В Атырау
+3 
Бүгін таңертең ІІД жедел басқару орталығының пультіне Маслопром маңындағы Жайық өзенінде казанка қайығы аударылып қалғандығы туралы хабарлама келіп түскен.
ІІД баспасөз қызметінің жетекшісі Гүлнәзира МҰХТАРОВАНЫҢ айтуынша, 5 минуттан кейін оқиға болған жерге жақын маңда жүрген жол-патрульдік қызметкерлерден құралған «Батыс-1» тобы жеткен. Олар келген кезде үш адам жағалауға өздіктерімен шығыпты. Ал суда бір қыз жандәрмен суды сабалап жатқан.
– Атырау қалалық ІІД ЖПД сержанты Фархат БАЗАРҒАЛИЕВ ойланбастан суға секіріп, батып бара жатқан қызды құтқарды, - дейді Мұхтарова. – Бұл уақытта «жедел жәрдем», ТЖ қызметкерлері жеткен. 20 жастағы қызды ауруханаға, терапевтік бөлімшесіне алып кетті. Жігіттер - 1971, 1989 және 1991 жылы туылған тұлғалар. Оқиғаның орын алу жағдайы анықталуда, алкогольді пайдалану тұрғысында сараптама тағайындалды. Сол жерден спирт иісі шығып тұрған.
Сәуле ТАСБОЛАТОВА