Героинмен ұсталды

13 маусымда Мақат стансасында ІІД-нің есірткімен күрес басқармасының қызметкерлері «Алматы-Атырау» пойызынан билетсіз мінген жолаушыны түсіріп алды. Оның жеке заттарының арасынан жалпы салмағы 45 грамм болатын героин салынған үш полиэтилен пакет табылды.

ІІД баспасөз қызметіндегілерхабарлағандай, ұсталушы – Атырауға кетіп бара жатқан 38 жастағы Шымкент тұрғыны уақытша ұстау изоляторына қамалды. ҚР ҚК-нің 259-бабы («Есiрткi заттарды немесе психотроптық заттарды заңсыз дайындау, өңдеу, иемденіп алу, сақтау, тасымалдау, жөнелту немесе сату») бойынша қылмыстық іс қозғалды.

Мұрат СҰЛТАНҒАЛИЕВ