В Атырау +3 
Уильям Хейг. Фото trend.azАлматы. 17 маусым. ҚазТАГ - Ұлыбритания Тегераннан елшілік ашуды тағы да жоспарлап отыр, деп хабарлады ВВС орыс қызметі.
«Ұлыбританияның сыртқы істер министрі Уильям Хейг сейсенбі күні Тегераннан тағы да британдық елшілік ашу туралы ниетін жарияламақшы», - делінген жарияланымда. Бұл қадамның егжей-тегжейі туралы дерегін министр парламентке ұсынатын болады.
ВВС еске салғандай, Британия 2011 жылы Иранмен дипломатиялық қатынастарын үзген болатын. Алайда соңғы айларда «екі елдің қарым-қатынасы барынша жақсарды». Ақпаратқа сенсек, қарым-қатынастарының жақсаруына «Иран билігіне жаңа лидердің келуі», сондай-ақ Иранның ядролық бағдарлама бойынша халықаралық келісімге қол жеткізуі септігін тигізген.
Дереккөз: ҚазТАГ
17 маусым 2014, 16:48