В Атырау
0 
Оңтүстік Кореяда сәуірде суға батқан паромның 15 экипаж мүшесіне қатысты алдын ала тыңдау жүріп жатыр. Сейсенбі күні айыпталушылар Кванджуда сот алдына келді, деп хабарлады Би-би-си.
«Севол» кемесінің капитаны және экипаждың жауапты үш мүшесі өз істеріне салғырт қарады және кісі өлтірді деп айыпталып отыр. Экипаждың қалған 11 мүшесіне өз істеріне салғырт қарады деген айып тағылды.
Айыптау нұсқасы бойынша, кеме капитаны, бірінші және екінші көмекшілер мен бас инженер батып бара жатқан паромды тастап, ал жолаушыларға бортта қалу керектігін айтқан.
Айыпталушыларды кісі өліміне қатысы бар деп тапса, олар өмір бойы бас бостандықтарынан айырылуы мүмкін.
Кеме Кореяның жартылай аралының жағалауына жақын маңда сәуірдің орта кезінде батып кетті. Осы қайғылы оқиғаның салдарынан 300-ге жуық адам құрбан болды. Оларның көп бөлігі - оқушылар. Кемеде барлығы 476 жолаушы болған.
Дереккөз: ҚазАқпарат