Қытайда балалардың қорғасынмен жаппай улануына байланысты химиялық зауыт жабылды

1 591 просмотра

Қытайдың Хунань орталық провинциясында химиялық зауыттардың бірі жұмысын тоқтатты. Оған жүздеген жергілікті баланың қорғасынмен улануы себеп болған, деп хабарлайды Синьхуа.

Хэндун уезі Дапу елді мекенінде тексерістен өткен 300-ден аса баланың қанында қорғасын мөлшері шамадан тыс көп болған. Өз кезегінде бұла балалардың ауыр металмен уланғанын көрсетеді, деп хабарлады уезд үкіметінің баспасөз қызметінен.

Рұқсат етілген ұлттық шекті шама бір литріне 100 мкг болса, балалардың басым бөлігінде қорғасын мөлшері бұдан әлдеқайда асып кеткен, тіпті кейбір жеткіншектерде оның мөлшері литріне 322 мкг-ге жетті.

Жергілікті билік органдары сенбі күні оқиғаның мән-жайын анықтау мақсатында жұмыс тобын құрып, «Мэйлунь химиялық материалдары» кәсіпорнын жауып тастады.

Қанның құрамында қорғасын мөлшерінің шамадан тыс көп болуы түрлі ауруларға, қан қысымының артуына әкеп соғуы мүмкін.

Дереккөз: bnews.kz

16 маусым 2014, 14:54

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.