В Атырау -2 
ТЖД баспасөз қызметінің мәліметтері бойынша, 15 маусымда сағат 20.00-де Пешной жартыаралының маңында теңіз деңгейінің көтерілуі 128 см болжаммен 109 см құрады. Жанбай ауылында 16 маусымда таңғы сағат 6-да көтерілген су деңгейі 61 см болжаммен 63 см құрады.
Пешнойдағы батыстан соққан желдің жылдамдығы секундына 6 метрге дейін жетіп, ұйытқыған жел жылдамдығы секундына 4 метрді құрады. 3 611 адамнан және 472 бірлік техникадан тұратын апаттан құтқару қызметтері толықтай әзір.
Атырау қаласы мен Исатай ауданында анағұрлым осал жерлердегі: Атырау қаласының Атырау, Дамбы, Еркінқала ауылдық округтеріндегі Жайық жағасының жалпы ұзындығы 1 800 метр бойында; Атырау қаласының Кеңөзек ауылдық округінде Кеңөзек каналының ұзындығы 300 метр бойында; Жанбай ауылдық округіндегі Каспий теңізінің ұзындығы 2 000 метр жағалау бойында бөгеттерді нығайту жұмыстары аяқталды. Сондай-ақ, Исатай ауданының Забурын ауылдық округінің Забурын каналының бойындағы ұзындығы 300 метр бөгет нығайтылды.
Мұрат СҰЛТАНҒАЛИЕВ