7 маусымда сағат 19.00 шамасында полицияға Атырау қаласының теміржол вокзалында жарылғыш зат салынған деген анонимді қоңырау шалынды.
Вокзал қызметкерлері мен жолаушылар сыртқа шығарылып, саперлер ғимаратты тексерді – хабарлама жалған болып шықты. Осы жұмыстармен қатар қоңырау шалған адамды анықтау шаралары жүргізілді. Сол күні кешке Привокзальныйда күдікті қыз құрықталды. Ол мас екен.
Сағат 21.05-те вокзалдағы қоршау алынып тасталды. Вокзал бастығы Айгүл КҮЛШІКОВАНЫҢ айтуынша, телефон тероршысының әрекеті үш жолаушылар пойызын жолдан қалдырған: №19 Атырау – Астана бағытын 1 сағат 21 минутқа, №625 Атырау – Астрахан бағытын 18 минутқа және №47 Астана – Атырау бағытын 55 минутқа кешіктірді.
Мұрат СҰЛТАНҒАЛИЕВ