Олланд Ресей және АҚШ президенттерімен кездесті

1 522 рет қаралды

Франция президенті Франсуа Олланд (сол жақта) пен Ресей президенті Владимир Путин. Париж, 5 маусым 2014 жыл. Ресей президенті Владимир Путин мен Франция басшысы Франсуа Олланд 5 маусымда кешке Париждегі Елисей сарайында кездесті. Агенттіктердің хабарлауынша, бір жарым сағатқа созылған кездесуде келіссөздердің басты тақырыбы Украинадағы дағдарысты реттеу болған.

Bloomberg агенттігі Олланд 5 маусымда Путиннен бұрын әуелі АҚШ президенті Барак Обамамен кездескенін айтады. Екі кездесуде де Украина тақырыбы сөз болған. Олландтың Путинмен кездесуінен соң ешқандай мәлімдеме жасалмады.

Агенттік кездесу барысында Обама Ресейдің Францияның "Мистраль" тікұшақ тасығыш кемесін сатып алуына байланысты алаңдаушылығын білдірген. Обама бұл қару-жарақ саудасын "Ресейді Украинадағы әрекеті үшін марапаттау болып саналады" дейді.

Олланд пен Обама бұған қоса екінші дүниежүзілік соғыс кезінде Нормандияға одақтастар әскерінің түсірілуіне 70 жыл толуына байланысты шараларда Ресей мен Украина арасындағы шиеленісті реттеуде қалай пайдалану керегін талқылаған. Жиынға 18 мемлекеттің басшылары қатысады.

Дереккөз: Азаттық радиосы

6 маусым 2014, 11:56

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.