Қысқа қайырғанда

«Нұр Отан» партиясы облыстық филиалы жанынан партиялық бақылау комиссиясы құрылды. Облыстық Кәсіпкерлер палатасының директоры Асылбек Жәкиев төрағасы болып тағайындалды. Комиссияның міндеті – партиялық тәртіп пен этиканы сақтау, сондай-ақ, мемлекеттік органдар мен бизнесмендер арасындағы төрешілдік кедергілерді жою.

***

Жақында облыстық білім беру  басқармасында мектептерде ағымдағы жөндеу жұмыстарын жүргізуге ата-аналардан заңсыз ақша жинау мәселесін талқылаған отырыс өтті. Осыдан кейін қалалық білім бөлімі мектеп директорларымен осы тақырыпта жиналыс өткізді.   Білім беру басқармасының басшысы Б. Сәрсенғалиевтың айтуынша, бұл мәселеге қатаң бақылау жасалады.