В Атырау
+3 
Атырауда мұнай-газ секторын материалдық-техникалық қамту саласындағы өзара қарым-қатынас жөніндегі VII Қазақстан-Британ Форумы өтті.
Қазақстандық тараптан Форумға 40 компания қатысты. Қазақстан және Орталық Азияның сауда мәселелері жөніндегі Ұлыбритания Премьер-министрінің өкілі Чарльз Хендри
басшылық еткен Ұлыбританияның іскерлік делегациясында 42 фирманың өкілдері болды. Форумның қорытындысы бойынша британдық және қазақстандық компаниялар арасында серіктестіктер туралы екі келісімге қол қойылды.
– 23 қазақстандық-британдық серіктестіктер айналымы 150 миллион долларды құрайды. Қазір 62 серіктестікті құру бойынша келіссөздер жүргізілуде. Оның 35-і – шағын және орта бизнес, - дейді Ұлттық жергілікті қамтуды дамыту жөніндегі агенттіктің төрағасы Қайрат БЕКТҰРҒАНОВ. – Біз 2020 жылға дейін жаңа серіктестіктер айналымы 2,5 млрд долларды құрауы мүмкін және 20 мыңға дейін жұмыс орындары құрылатын болады деп болжап отырмыз.
Қазақстандық-британдық серіктестіктің көпшілігі Атырау облысында жүзеге асырылады. Оның форматтары әртүрлі: біріккен кәсіпорындар, франчайзинг, серіктестік туралы ұзақ мерзімді келісімдер.
Зульфия ИСКАЛИЕВА