Кедергі емес, жолақ салынады

– СМП-136-дағы С.Датов көшесінің бойындағы «Залина» дүкенінің алдында «Жаяу жүргіншілер өткелі» деген белгінің тұрғанына қарамастан көліктер тоқтамайды және жаяу жүргіншілерді өткізбейді. Осы учаскеге жол кедергісін орнатуға бола ма немесе белгілер салу мүмкін бе?

Толқын Исаева

ІІД ЖПБ бастығы Берік АМАНГЕЛДІНІҢақпары бойынша, жол полициясының басқармасы жергілікті атқарушы органдарға қаладағы ескі жол белгілерін қалпына келтіруді және жаңа жол белгілерін орнатумен айналысуды, сондай-ақ белгілер салуды әлденеше рет ұсынған. Таяу уақытта көше-жол тораптарына белгілер, сондай-ақ «Залина» дүкенінің қарсысындағы жаяу жүргінші өткеліне жолақ салынатын болады. Ал осы көше магистральды көше болғандықтан, бұл маңнан жол кедергісін орнату мүмкін емес.