Экономикалық қылмысқа және сыбайлас жемқорлыққа қарсы күрес департаменті «Атырау» су спорты түрлері бойынша облыстық командасының басшысына қарсы қылмыстық іс қозғады.
Қаржы полициясының баспасөз қызметі былай деп хабарлады: «Азамат Х.-ның мемлекеттік атқарымдарды орындауға өкілетті тұлғаларға теңестірілген тұлға бола отырып, қызмет бабын пайдаланып, 2012 жылдың қазанынан бастап, 2014 жылдың ақпаны аралығында команда қызметкерлеріне сыйақы мен жалақыға үстеме ақыны заңсыз аударып, мемлекетке жалпы сомасы 91 млн теңгеге залал келтіргендігі анықталды».
ҚР ҚК-нің 176-бабының 3-тармағы («Ірі мөлшерде сенiп тапсырылған бөтен мүлiктi иеленiп алу немесе ысырап ету») бойынша қылмыстық іс қозғалды.
Тамара СУХОМЛИНОВА