В Атырау
+26 
Австралия жоғалған «Боинг-777» ұшағын тапқандығын жариялады
Фото: Global Look PressАСТАНА. ҚазАқпарат - Австралияның Премьер-Министрі Тони Эббот елдің жерсерігі Malaysia Airways әуе компаниясының 8 наурыз күні жоғалып кеткен ұшағының қирандылары болуы мүмкін нысандарды тапқандығын жария етті, деп хабарлады Би-Би-Си.
Оның сөзіне қарағанда, қирандылар табылған ауданға ұшақ жіберілді. Айта кетерлігі, Австралия «Боинг» ұшағын оңтүстік ауданда, яғни Индонезия жағалауынан құрлықтың батысына дейінгі аралықтағы іздеу жұмыстарына басшылық жасауда.
Бұдан сәл ертерек жоғалған лайнер командирінің үйін тінту барысында аиажаттығу компьютеріндегі мәліметтер зерттеуге алынған болатын. Бұл жұмыстарға АҚШ-тың Федералды тергеу бюросы араласып, Малайзия билігіне көмек көрсетуде. Болжам бойынша ұшқыш компьютор жадынан тергеу амалдарына кедергі келтіретін бірқатар файлдарды жойып жіберген.
239 жолаушысы болған ұшақты іздеу жұмыстарына қазіргі уақытта 26 ел жұмылып отыр.
Табылған Боинг сынығының бір бөлігінің ұзындығы - 24 метр
Австралия төтенше жағдайлар ведомствосының өкілі Джон Янгтың сөзіне қарағанда, аталған нысанның не екендігін анықтау өте қиынға соғып отыр. Өйткені табылған нысандар теңіз бетінде қалқып жүр.
Белгісіз заттар табылған ауданға Астралия ұшағының соңынан іле-шала АҚШ пен Жаңа Зелландияның да әуе кемелері жөнелтілді.
Сәл ертерек Австралияның Премьер-Министрі Тони Эббот елдің жерсерігі Malaysia Airways әуе компаниясының 8 наурыз күні жоғалып кеткен ұшағының қирандылары болуы мүмкін нысандарды тапқандығын жария еткен еді. Оның сөзіне қарағанда, қирандылар табылған ауданға ұшақ жіберілді. Айта кетерлігі, Австралия «Боинг» ұшағын оңтүстік ауданда, яғни Индонезия жағалауынан құрлықтың батысына дейінгі аралықтағы іздеу жұмыстарына басшылық жасауда.
239 жолаушысы болған ұшақты іздеу жұмыстарына қазіргі уақытта 26 ел жұмылып отыр.
Дереккөз: inform.kz