Атырау, 24 наурыз 02:04
Таңертең ашық+10, күндіз +13
ҚР Ұлттық банкінің валюта бағамы: $ 376.40  € 427.36  P 5.86

Балапандар мәз болды

2 маусым 2011 17:33

СМП-136 ықшам ауданының тұрғындары өз күштерімен балаларына арнап мереке ұйымдастырды.

– Ауданымыз қала орталығынан әжептәуір қашықтықта орналасқан. Ата-аналардың бәріне бірдей балаларын көпшілік шараларға апаруға қалталары көтере бермейді. Сондықтан өз күшімізбен балалар үшін көңілді мереке ұйымдастыруды ұйғардық, - деп әңгімелейді ұйымдастырушылар Елена НИКИТИНА, Анастасия СПЕХОВА және Ирина МАТИС. Олар тату-тәтті көршілер екен. Әйелдердің айтуынша, мұны ұйымдастыру қиынға түспеген. Поселкедегі 8 үйдің подъездеріне әр балаға 200 теңгеден билет сатып алуды өтінген хабарландырулар іліп, сценарий жазуға кірісіп кеткен.

Сөйтіп, 1 маусымда балалар қауымы құмарлары қанғанша сауық-сайран құрды. Оған 3 жастағы сәбилерден бастап 13 жасқа дейінгі жасөспірімдер қатысқан. Мереке кіші олимпиада ойындарымен басталды. Балалар жүгірісіп-ойнап, асыр салды. Сол жерде тәттілер, чипсылар, сусындар мен балмұздақтар тегін таратылды (ата-аналардан жиналған ақшалар жұмсалды).

Думан одан сайын қыза түсу үшін ұйымдастырушылар үрмелі батут қожайындары мен қантты мақта сатушылармен келісім жасаған. Бұған кішкентай клиенттердің  қуанышында шек болған жоқ.

– Мен үш немереммен келдім. Екі үлкені барлық конкурстарға қатысып жатыр, кішісі 1 жарым жастағы сәби, осы жерде ойнап жүр. Қатты ризамын, - дейді Валентина Михайловна әжей.

СМП тұрғындарының өздерінен басқа бұл жерде орталықтың да балалары болды. Олардың ата-аналары таныстарынан мереке туралы естіп келгендерін айтты.

Лаура СҮЛЕЙМЕНОВА

Суретті түсірген В. Истомин

Нашли ошибку? Выделите её мышью и нажмите Ctrl + Enter.
 

1465 рет қаралдыБасты бет Поделиться:
formulasna.kz

Подпишитесь и узнавайте о новостях первыми


Басты бет