Қырғызстан үкіметі парламенттік коалиция тарағаннан кейін отставкаға кетті

4 581 просмотра

2012 жылдың қыркүйегінде құрылған Жогорку Кенештің басқарушы коалициясы тарағаннан кейін Қырғызстан үкіметі отставкаға кетті, деп хабарлайды BNews.kz тілшісі.

18 наурыз күні «Ата Мекен» парламенттік фракциясы көпшілік коалициясынан шығатыны туралы мәлімдеме жасады. Фракция премьер-министр Жантөре Сатыбалдиевті қаржылық алаяқтық жасады деп айыптауда.

Ал Премьер-министрдің баспасөз хатшысы Меліс Ержігітов үкімет басшысы Сатыбалдиев Жогорку Кенештегі кадрлық сыбайлас жемқорлыққа қарсы тұрды деп мәлімдеді. Айтуынша, көпшілік коалицияның ыдырауына басты себеп осы.

Осы жағдайдан кейін коалиция басшысы ел президентіне альянсты тарату туралы хат жолдаған. Мемлекет басшысы үш күннің ішінде парламент фракцияларының біріне жаңа коалиция құруға мандат беруі тиіс. Жаңа коалиция жаңа министрлер кабинетін құрумен айналысады.

Дереккөз: bnews.kz

19 наурыз 2014, 11:42

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.