В Атырау
+20 
Америкалық танымал киноактриса Кортни Лав жер серіктерінің ғарыштан түсірген суреттерін интернеттен қарап отырып, жоғалған ұшақты тапқандығын мәлімдеді. Бұл жайында ол өзінің Facebook-тегі парақшасына жазған.
"Мен сарапшы-маман емеспін, бірақ мынаның ұшақ, ал жанындағысының мұнай дағы екені көрініп тұр" деп жазады Лав өз оқырмандарына.
Актрисаның жазбасын бүгінде мыңдаған адам оқып, өзгелермен бөлісіп жатыр. Оқырмандарының арасында Лавты жақтаушылар көп. Яғни, суреттегі дақ пен таңбалар жоғалған ұшақтың қалдықтары дегенге олар сенімді.
Дегенмен, Малайзияның ресми билігі бұл жайтқа байланысты қандай да бір мәлімет таратуға асығар емес.
Естеріңізге салайық, наурыз айының 8-не қараған түні Куала-Лумпурден Пекинге бет алған ұшақ із-түссіз жоғалып кеткен болатын. Оның бортында 239 адам болған.
Дереккөз: Baq.kz
18 наурыз 2014, 16:10