АҚШ әскері Сноуденнен келген шығынды бірнеше миллиард долларға теңеп отыр

АҚШ-тың жоғары лауазымды әскери шенеунігі мәлім еткендей, Эдвард Сноуденнің қупиялы ақпаратты тарату салдарынан әскерге келген шығынды жою үшін кем дегенде екі жыл мен бірнеше миллиард доллар қажет, деп жазады ВВС.

Штаб басшылары бірлескен комитетінің төрағасы генерал Мартин Демпси конгресс комитетіне Орталық барлау басқармасының бұрынғы қызметкері ұрлап кеткен құжаттардың басым бөлігі АҚШ-тың әскери әлеуетіне, әскери операцияларына және тактикасына қатысты болғанын хабардар етті.

Оның айтуынша, құпия ақпараттың бұқараға мәлім болуынан келген шығынды жою үшін арнайы жұмыс тобы құрылыпты.

Компьютерлік технологиялар маманы Сноуден арнайы қызметтердің жұмысы жайлы құпиялы ақпараттарға қол жеткізіп, өткен жылдың мамырында АҚШ-тан қашып кеткеннен кейін жұртқа жайып жіберген болатын.

Маусым айынан бері ол бір жылдық мерзімге пана алып, Ресейде тұрып жатыр. Ал АҚШ шпионаж жасағаны үшін заң алдында жауап бергізу үшін Ресейден Сноуденді беруін талап етіп отыр.

Дереккөз: bnews.kz