Наурыздан бастап қолайлы болады

– Неліктен жылу және ыстық су үшін есепшоттарды интернет арқылы төлеу мүмкін болмай қалды? Электр энергиясы үшін төлей аламыз, ал жылу үшін төлей алмайтын болдық. Бұл өте қолайсыз. Өйткені банктерге немесе «Атырау Энергосату» кассаларына барып, кезекке тұруға тура келеді.

azh.kz сайтынан

Сұраққа«Атырау Энергосату» ЖШС директоры Эльмира ИСЕМБЕРГЕНОВА жауап берді:

– Қазіргі уақытта төлемдерді интернет-банкингтер арқылы қабылдау келісімшарты қол қою үшін Қазкоммерцбанктің қарауында жатыр. Оған қол қойылғаннан кейін жылу энергиясының қызметі үшін интернет-банкинг жүйесі бойынша төлемдерді қабылдау қайта жалғасады. Интернет арқылы қызметтерді төлеу, шамамен, наурыз айында қол жетімді болмақ.