В Атырау
0 
– Көлік жүргізу куәлігін тек жол полициясы басқармасынан ғана емес, электронды үкімет порталы арқылы да алуға болады деп естідім. Мен автомектептегі сабағымды аяқтап қалдым. Осы туралы толық білгім келеді.
Телефон арқылы
Сұраққа облыстық халыққа қызмет көрсету орталығы директорының орынбасары Тұрлан НҰРЖАНОВ жауап берді:
– Электронды үкімет порталы арқылы жүргізу куәлігін тек ескі үлгідегі жүргізуші куәлігін айырбастаған немесе оның әрекет ету мерзімі өтпестен өзгерткен жағдайда ғана алуға болады. Бұған келесі құжаттар қажет: басылған электронды өтініш, алмастыру үшін қолданыстағы жүргізу куәлігі, жеке басын куәландыратын құжат, жүйке-неврологиялық және наркологиялық диспансерден анықтама, 083 үлгісіндегі медициналық анықтама, жүргізуші куәлігі үшін 125% АЕК – 2 163,75 теңге мемлекеттік баж салығын төлегендігі туралы чек. Электронды үкіметтің сайтынан нұсқаунамамен танысуға болады. Куәлікті алғаш рет алушылар үшін бәрібір ЖПБ-на баруға тура келеді.