В Атырау
0 
- Біз Жұлдыз-3 ықшамауданының тұрғындарымыз, биыл үй салып көшіп келгенбіз. Су мен асфальтты айтпай-ақ қояйын, бізге газ қашан беріледі екен? Біздер жерімізді пайдаланбағандықтан кері қайтарып алады деп қорқып, үй салып, биыл міндетті түрде газ беріледі дегесін, пеш салмай, қазандық орнатып едік. Ал қазір күн суытып кетті, үйіміз салқын, кішкентай балаларымыз ауырып жатыр.
Телефон арқылы
Сұраққа қала әкімінің орынбасары Жұмабай ҚАРАҒАЕВ жауап берді:
- Жұлдыз-3 ықшам ауданында газ құбырын жүргізу құрылыс жұмыстарымен «Алтын Су Атырау» ЖШС айналысуда. Күні бүгін құрылыс жұмыстары толықтай аяқтала келді. Жоспарға сәйкес жылдың аяғына дейін тапсыру жұмыстары жүргізілуде.
Ал бүгінгі күні су желісінің жобалау-сметалық құжаттамасы дайын, 2014 жылы республикалық бюджет есебінен қаражат бөлінген жағдайда құрылыс жұмыстары басталады.