Төгілген мұнай және құнсыз активтермен күрес: Каспийдің болашағы туралы сарапшының пікірі

Каспий жағалауы елдері біртұтас кеңістіктік жоспарлауға көшетін болса, бұл өңірге құйылатын инвестициялар ашық әрі қаржы тәуекелдерінен қорғалуы мүмкін. Бұл туралы trend.az сайтына берген сұхбатында Халықаралық мұхит институтының (IOI) басқарушы директоры Антонелла Вассалло мәлімдеді.

Сарапшының пікірінше, көлік, энергетика және жағалау жобаларын теңіз экожүйесімен ұштастыру экономикалық өсімді баяулатпайды, керісінше, инвесторлар үшін түсінікті «ойын ережелерін» қалыптастырады.

Ақшаны қорғау және қақтығыстардың алдын алу

Интеграцияланған тәсілдің негізгі артықшылығы — «құнсызданған активтердің» пайда болу тәуекелдерін азайту және салалар арасындағы даулы жағдайлардың алдын алу.

«Интеграция жобалар түпкілікті бекітілгенге дейін — әлі жоспарлау кезеңінде басталуы тиіс. Теңіз кеңістігінде жоспарлануы көлік, энергетика, туризм және балық шаруашылығына жауапты ведомстволарға табысатын тұстарды табуға, кемшіліктерді алдын ала болжауға және теңізге түсетін жиынтық жүктемені еңсеруге мүмкіндік береді», — деп атап өтті Антонелла Вассалло.

Маман Стратегиялық экологиялық бағалау (СЭБ) мен Қоршаған ортаға әсерді бағалау (ҚОӘБ) болашақ нысандардың орналасатын жері мен архитектурасына ықпал етуі үшін формальды сипатта болмай, ең бастапқы кезеңдерде жүргізілуі тиіс екенін айтты.

«Жасыл» қаржыландыру және таза порттар

Каспийді қорғаудың практикалық қадамдары ретінде сарапшы мыналарды бөліп көрсетеді:

• Порттар жұмысын экология талабына сай жүргізу және ХМО-ның (IMO) таза кеме қатынасы стандарттарын енгізу;
• Мұнайдың төгілуін жою және нысандарды пайдаланудан қауіпсіз шығарудың айқын стандарттары;
• Балласт суларын басқару және шельфтегі жаңартылатын энергия көздерін сауатты орналастыру;
• «Жасыл» қаржыландыру мүмкіндіктерін және МЖӘ (мемлекеттік-жекеменшік әріптестік) тетіктерін пайдалану.

«Интеграцияланған жоспарлау бизнесті бұғаттамайды. Ол инвесторларға айқындық береді, орын алуы мүмкін деген экологиялық зиянды жою шығындарын азайтады және құқықтық тәуекелдерді жояды. Каспийдің көлігі мен энергетикасын біртұтас "көгілдір экономика" тұжырымдамасы аясында қарастыру қажет», — деп түйіндеді IOI басшысы.

Анықтама:
Халықаралық мұхит институты (IOI) — мұхит және теңіз ресурстарын орнықты басқару мәселелерімен айналысатын халықаралық тәуелсіз коммерциялық емес ұйым. Институттың бас офисі Мальта университетінің жанында (Мсида қ.) орналасқан. IOI оқыту бағдарламаларының портфеліне «Каспий теңізін дамыту және басқару» арнайы курсы кіреді.