В Атырау +28.9 
Қазақстанға қоныс аударуды жоспарлаған шетелдіктерге Көші-қон комитеті алаяқтық схемаларға қатысты ресми ескерту жасады.
Ведомство соңғы уақытта «помогаек» деп аталатын делдалдардың көбейгенін атап өтті. Олар ақшаға құжат рәсімдеуді жеделдетуді, тесттен сәтті өтуді немесе мемлекеттік қызметтерді «шешіп беруді» уәде етеді.
Комитеттің ресми мәлімдемесінде:
барлық мемлекеттік қызмет заңда белгіленген тәртіппен көрсетілетіні;
тест нәтижелері мен құжат шешімдері ақшаға өзгермейтіні;
белгісіз адамдарға немесе күмәнді агенттіктерге ақша бермеу керектігі айтылды.
Қазақстанда тұрақты тұруға рұқсат алу үшін (ВНЖ) шетелдіктер иммиграциялық әлеуетті бағалау рәсімінен өтіп, ҚАЗТЕСТ жүйесі бойынша қазақ тілінен ресми тест тапсыруы тиіс.
Өтініштер тек азаматтардың өздері арқылы халыққа қызмет көрсету орталықтарында қабылданады және кейін миграциялық полицияға жолданады. Комитет тек ресми дереккөздерге сенуге және алаяқтардың арбауына түспеуге шақырды.