В Атырау +19.8 
Мемлекет басшысы Қасым-Жомарт Тоқаев қазан айында Қазақстан халқына кезекті Жолдауын жариялайды. Бұл туралы Президент VI Дүниежүзілік көшпенділер ойындарының жеңімпаздары мен жүлдегерлерімен кездесуде мәлімдеді.
«Қазан айында Конституцияның 46-бабына сәйкес Қазақстан халқына Жолдауымды жариялап, онда алдағы кезеңге арналған мақсаттар мен міндеттерді айқындаймын», — деді Қасым-Жомарт Тоқаев.
Негізгі саяси өзгерістер туралы айта келе, Мемлекет басшысы жаңа Конституцияның қабылданғанын, Құрылтай сайлауының өткенін, вице-президенттің тағайындалғанын, Үкімет құрамының жаңартылғанын және Қауіпсіздік Кеңесі Аппаратының құрылғанын еске салды.
Президент жақын арада Қазақстан Халық Кеңесінің құрамы бекітілетінін, сондай-ақ Конституциялық соттың судьялары, Орталық сайлау комиссиясының және Жоғары аудиторлық палатаның мүшелері тағайындалатынын айтты. Тоқаевтың сөзінше, осы қадамдардан кейін елдің негізгі мемлекеттік институттары толықтай жаңартылады.