Қазақстанның пәтер нарығы бойынша қай қалада өмір сүру арзан?

Қазақстандағы тұрғын үй нарығы бойынша соңғы деректерге сүйенсек, пәтер бағасы қалалар арасында айтарлықтай айырмашылыққа ие, деп хабарлайды Крыша.

Ең қымбат пәтерлер Алматы мен Астанада.

• Алматыда: 1 бөлмелі — 26,5 млн тг, 2 бөлмелі — 40 млн, 3 бөлмелі — 57 млн.

• Астанада: 1 бөлмелі — 23 млн, 2 бөлмелі — 34 млн, 3 бөлмелі — 52 млн.

Шымкент, Атырау және Қостанай да қымбат қалалардың қатарында.

Ең арзан пәтерлер Қызылорда мен Жезқазғанда.

• Қызылордада: 1 бөлмелі — 8 млн, 2 бөлмелі — 14 млн, 3 бөлмелі — 18 млн.

• Жезқазғанда: 1 бөлмелі — 9,5 млн, 2 бөлмелі — 13 млн, 3 бөлмелі — 21 млн.

Айырмашылық өте үлкен: Алматыдағы бір бөлмелі пәтердің бағасына Қызылордадан үш бір бөлмелі пәтер алуға болады. Ал Астанадағы үш бөлмелі пәтердің құны Қызылордадағы үш үш бөлмелі пәтердің бағасына тең.

Баға динамикасы: Жыл басынан бері Қазақстанда пәтер бағасы орта есеппен 2% өсті. Кейбір қалаларда өсім 8%-дан асты. Алматыда керісінше, соңғы сегіз айда пәтер бағасы 1,4% төмендеді.