В Атырау +14.2 
2026 жылғы қыркүйектің соңына дейін ҚТЖ-ның 50 бағыт бойынша қатынайтын 124 жолаушылар құрамын жерсеріктік интернетпен жабдықтау жоспарлануда. Байланыс 1 235 вагонда пайда болады, деп хабарлады ұлттық компанияның баспасөз қызметі.
8 қыркүйектегі жағдай бойынша Starlink 31 бағыттағы 59 құрамда жұмыс істеп тұр және 770-ден астам вагонды қамтиды.
Интернет, соның ішінде Нұрлы жол – Алматы, Нұрлы жол – Өскемен, Нұрлы жол – Орал, Нұрлы жол – Петропавл, Алматы-2 – Өскемен, Қызылорда – Семей, Ақтөбе – Алматы, Маңғыстау – Ақтөбе, Орал – Маңғыстау, Ақтөбе – Қазалы, Ақтөбе – Атырау және Павлодар – Алматы пойыздарында қолжетімді.
Жерсеріктік қосылымның ең жоғары жылдамдығы 100 Мбит/с-қа дейін жетеді. Төмен орбиталық байланыс ұялы байланыс операторларының қамту аймағы шектеулі теміржолдың шалғай учаскелерінде желіге қол жеткізуді қамтамасыз етуі тиіс.
Жолаушыларға тегін базалық топтама ұсынылады. Ол WhatsApp пен Telegram арқылы мәтіндік хабарламалар алмасуға мүмкіндік береді. Видео қарау, файлдарды жүктеу және басқа интернет-сервистерді пайдалану үшін қосымша ақылы топтамаларды енгізу жоспарланып отыр. Олардың құны әлі жарияланған жоқ.
OneWeb және Starlink жүйелерін пилоттық сынақтан өткізу 2025 жылы басталды. Жолаушылар пойыздарын ауқымды түрде қосу 2026 жылдың шілдесінде басталды. Жобаның технологиялық серіктесі — «Транстелеком» АҚ.