Полициядан жасырынуға әрекет жасаған ер адам 35 тәулікке қамауға алынды.

324 рет қаралды

Жезқазған қаласының Кеңгір ауылында полицейлер патрульдік полиция қызметкерлерінен жасырынып қалуға әрекет жасаған 20 жастағы жүргізушіні ұстады. Ол көлікті алкогольдік масаң күйде басқарған, деп хабарлайды Қазақстан Ішкі істер министрлігі.

Полиция қызметкерлері мемлекеттік тіркеу нөмірі жоқ көлікті тоқтатуды талап еткен. Алайда жүргізуші талапқа бағынбай, қозғалысын жалғастырған. Көп ұзамай ол ұсталды.

Тексеру барысында жас жігіттің масаң күйде болғаны және көлік құралдарын басқару құқығы жоқ екені анықталды. Ол мас күйінде көлік жүргізу әрекетін қайталап жасаған.

Сот құқық бұзушыға 35 тәулік әкімшілік қамауға алу жазасын тағайындады. Автокөлік мамандандырылған тұраққа қойылды.

8 қыркүйек, 10:46

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.