В Атырау +29.4 
Шиелі ауданында 16 жастағы қызды өлтіргені үшін 22 жастағы ер адам сотталды. Ол орташа қауіпсіздік деңгейіндегі түзету мекемесінде жазасын өтейді.
Қайғылы оқиға 2026 жылдың маусымында болған. Жасөспірім үйінен шығып, құрбысына баратынын айтқан, бірақ қайтып оралмаған. Бір тәуліктен кейін оның денесі Жахаев атындағы каналдан табылды.
Тергеу деректеріне сәйкес, қыз әлеуметтік желіде болашақ қылмыскермен танысқан. Үйленген ер адам оны каналға апарып, жанжал кезінде тұншықтырып өлтірген. Марқұмның мойнынан сым табылған.
Күдікті көп ұзамай ұсталды, оның бұрын да сотталғаны анықталды. Сот оны ҚР ҚК 99-бабының 2-бөлігінің 14-тармағы бойынша — кәмелетке толмағанды қасақана өлтіргені үшін кінәлі деп таныды.
Соңғы сөзінде айыпталушы кінәсін мойындап, қыздың отбасынан кешірім сұрады. Сот оған 20 жыл бас бостандығынан айыру жазасын тағайындады. Сонымен қатар, 10 млн теңге моральдық өтемақы және 2 162 теңге мемлекеттік баж өндірілді.