В Атырау +29.6 
Қазақстанда оқып жүрген студенттерге шетелдегі қаржылық міндеттемелерін ұмытпау керектігі еске салынды. Егер өткен жылдың соңында олардың шетелдік есепшоттарындағы қаражат көлемі 3,9 млн теңгеден (1 000 АЕК) асса, 2026 жылғы 15 қыркүйекке дейін декларация тапсыру қажет, деп хабарлайды newtimes.kz.
Салық органдарының айтуынша, тек шетелде оқу фактісі декларация тапсыруға міндеттемейді. Егер студент тек шәкіртақымен күн көріп, есепшоттағы қалдық белгіленген лимиттен аспаса, есеп берудің қажеті жоқ.
Алайда декларация тапсыру міндетті болуы мүмкін жағдайлар:
барлық шетелдік есепшоттардағы қалдық 3,9 млн теңгеден жоғары болса;
шетелде жылжымайтын мүлік, жер учаскесі немесе көлік құралдары болса;
шетелдік компаниядағы үлестер, бағалы қағаздар немесе цифрлық активтерге ие болса;
2025 жылы 78,6 млн теңгеден асатын қымбат мүлік сатып алынса.
2025 жылға арналған декларацияны тапсырудың соңғы мерзімі — 15 қыркүйек 2026 жыл. Егер декларация нәтижесінде жеке табыс салығы есептелсе, оны 25 қыркүйекке дейін төлеу қажет. Құжаттарды eGov порталы немесе мобильді қосымшалар арқылы әлемнің кез келген жерінен онлайн жіберуге болады.
Салық органдары Қазақстан резиденттерінің шетелдік есепшоттары туралы деректерді халықаралық ақпарат алмасу аясында алып отыратынын ескертіп, ірі сомаларды жасыру мүмкін емес екенін атап өтті.