Атырау, 16 қазан 02:21
Таңертең ашық+15, күндіз +19
ҚР Ұлттық банкінің валюта бағамы: $ 389.59  € 429.06  P 6.05

Дидар тағы да алтын ұтты!

4 мамыр 2011 14:57

Естеріңізде болса, «Қайсар» спорт клубының 16 жастағы шәкірті Дидар БОЛАТОВ Еуропа чемпионатына үміткерлерді іріктеу кезеңіндегі ақпанның 28-і мен наурыздың 1-і күні аралығында Астана қаласында ересектер арасында муайтайдан өткен  республикалық чемпионатында ҚР-ның чемпионы атанған болатын. Енді міне, ол тағы да чемпион атанып, елге алтын арқалап қайтты.

Астанада өткен спорт додасында жеңіске жеткен 45 келі салмақ дәрежесіндегі Дидар Болатов пен 48 салмақ дәрежесіндегі күміс жүлдегер Арман Арыстанбеков ҚР-ның құрамасына еніп, сәуір айының 1-і мен 22-сі күні аралығында Алматы қаласындағы оқу-жаттығу жиынына қатысып, Қазақстан құрама командасымен сәуірдің 23-і мен 29-ы аралығында Түркия елінің Анталия қаласында муайтайдан өткен Еуропа чемпионатында бақтарын сынасқан еді.

Жеті күнге созылған ірі додаға 45 Еуропа елі қатысып, жалпы саны - 400-дің үстіндегі спортшы бастарын қосты.  

Қазақстан құрамасында үш жаттықтырушы: Фархат, Елхан Агланкуловтар (Алматы), Нұралы Әубәкіров (Астана), сондай-ақ, бір төреші Нұрберен Әміржанов (Атырау) пен 10 спортшы болды. Спортшыларымыз 2 алтын, 2 күміс, 5 қоламен оралды.

Жалпы Қазақстан құрамасы командалық есепте Белоруссия, Украина, Ресейден кейін 4-ші орынға табан тіреді.

Дидар Болатов ересектер арасында Атыраудан шыққан алғашқы Еуропа чемпионы!

«Қайсар» спорт клубының бапкерлері оқу-жаттығу жиынына қаржылай көмек көрсеткен облыстық туризм, дене тәрбиесі және спорт басқармасына алғыс білдіреді.

«Қайсарлықтар» ендігі кезекте тамыз айында Алматы қаласында өтетін ҚР-ның кубогына және қыркүйек айында Өзбекстан астанасы Ташкентте өтетін муайтайдан Әлем чемпионатына қатысуды көздеп отыр.  

Айнұр АСЫЛБЕКҚЫЗЫ

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2900 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:

Последние новости