Атырауда 28 қарашада бірнеше мекенжайда суық су болмайды

«Атырау облысы Су Арнасы» КМК мәлімдегендей, Сәтпаев даңғылы мен Студенттер даңғылының қиылысындағы Д-500 мм магистралды су құбырында жөндеу жұмыстары жүргізіледі.

Соған байланысты 2025 жылғы 28 қараша күні сағат 14:30-дан 17:00-ге дейін бірқатар мекенжайларда суық су беру уақытша тоқтатылады.

Су болмайтын орындар қатарында:

• «Достық» қалашығы (Американ қалашығы), Владимирский көшесі, №37
• Сәтпаев даңғылы бойындағы №8–36 аралығындағы үйлер
• №43 «Арман» балабақшасы, Сейфуллин көшесі, №37
• Каспий шағынауданы
• «Жайық жағасында» ТК, «Аспан» ТК
• Морская, Сейфуллин, Ақжол, Байтұрсынов, Нәжімеденов, Крупская, Әйтеке би, Пушкин көшелеріндегі үйлер
• Абай атындағы №15 мектеп, Кіші өнер академиясы, қалалық әкімдік, «Аманат» партиясы филиалы
• №1 мектеп-интернаты, «Астра» ТК, «Atyrau Dastan Hotel» қонақ үйі
• Х. Досмұхамедов атындағы Атырау мемлекеттік университеті, облыстық балалар кітапханасы, №17 балабақша
• №1 қалалық емхана, «Open Clinic» клиникасы, «Адал» сауда үйі, бизнес орталығы, Прикаспий заманауи колледжі
• «Marriott Executive Apartments Atyrau» қонақ үйі, «Банк ЦентрКредит» және Резиденция ғимараты.