В Атырау +4 
2025 жылғы 28 қазанда Бразилияның Рио-де-Жанейро қаласында наркокартельдер мен құқық қорғау органдары арасында қарулы қақтығыстар орын алды. «Ұстау» деп аталатын арнайы операция барысында бір сағат ішінде 64 адам қаза тауып, 81 адам ұсталды, деп хабарлайды Ura.ru.
Операцияға 2500-ден астам қауіпсіздік қызметкері жұмылдырылып, 100-ге жуық тұтқындау ордері орындалуы тиіс болған. Алайда полиция қызметкерлерін қарулы қарсылық пен баррикадалар күтіп алды. Қаланың солтүстік аудандарында көліктер өртеніп, оқ атылды, тұрғындар үйлерінен шығуға қорықты. Наркобандалар қаланың 70%-ын бақылауда ұстап, жолдарды автобустармен жауып, FPV-дрондар арқылы аудандардан шығуды қиындатты.
Қаза тапқандардың арасында 60 күдікті, 4 полиция қызметкері және бірнеше бейбіт тұрғын бар. Жараланғандар қатарында спортзалдағы әйел, көшедегі ер адам және оқ тиген үйсіз азамат бар.
Ұсталғандар арасында ірі картель басшысы Тиаго ду Насименту Мендеш пен қаржылық агент Николас Фернандеш Соареш бар. Тәркіленгендер қатарында 75 винтовка, 2 тапанша және 9 мотоцикл бар.
Қоғамдық қауіпсіздік министрі Виктор Сантос операцияның мұқият жоспарланғанын, бірақ федералды үкіметтің қолдауысыз өткенін мәлімдеді. Оның айтуынша, операция жүргізілген аудандарда 280 мыңға жуық адам тұрады. Губернатор Клаудио Кастро ел президенті Лула да Силваны әскери көмек көрсетуден бас тартты деп айыптады.
Операция келесі аптада Рио-де-Жанейрода өтетін климаттық саммит қарсаңында өтті. Билік бұл шараны қажетті әрі жоспарлы деп бағалап отыр.