В Атырау -10 
Tesla және X (бұрынғы Twitter) компанияларының иесі Илон Маск Wikipedia-ға балама жаңа интернет-энциклопедия — Grokipedia жобасының іске қосылғанын жариялады, деп хабарлайды BBC.
Масктың айтуынша, Wikipedia-да «көп мөлшерде үгіт-насихат пен біржақты ақпарат» бар, ал Grokipedia бұдан таза әрі бейтарап болмақ. Энциклопедияны Масктың жасанды интеллект саласындағы компаниясы xAI басқарады. Дәл осы компания Grok атты нейрожүйені де әзірлеген.
Grokipedia-ның басты бетінде қазіргі уақытта 900 мыңға жуық мақала бар екені көрсетілген. Ал Wikipedia-дағы мақалалар саны 8 миллионға жуық.
Масктың жаңа жобасын АҚШ президенті Дональд Трамп әкімшілігіндегі жасанды интеллект мәселелері жөніндегі кеңесші Дэвид Сакс қолдады. Оның пікірінше, Grokipedia «ақпараттағы тепе-теңдікті қалпына келтіре алады».
Алайда Wikipedia негізін қалаушылардың бірі Джимми Уэйлс Grokipedia-ның табысына күмән келтіріп, «жанды энциклопедияны жасанды интеллект дәлме-дәл алмастыра алмайды» деп мәлімдеді.