Жылыой, Индер және Мақатта жаңа депутаттар сайланды

26 қазанда қосымша сайлауда үш ауданның сайлаушылары мәслихаттардағы босаған орындарға жаңа депутаттарды сайлады. 

Жылыой ауданында №3 бірмандаттық аумақтық сайлау учаскесінде 1393 сайлаушының 943 дауысын жинаған  "Жылыой аудандық орталық ауруханасы" ШЖҚ КМК-нің директоры Асулан Абдрахманов жеңіске жетті. 

Ал №12 бірмандаттық сайлауға 2149 сайлаушы қатысып, "Жылыой кәсіпкерлері" қоғамдық бірлестігінің басшысы Нұрлан Надиров 1259 дауыс жинап, аудандық Мәслихаттың депутаты болды. 

Индер ауданындағы № 3 бірмандаттық сайлауға тіркелген үш кандидаттың ішінен аудандық жастар ресурстық орталығының директоры Нұрбол Ерғалиев жеңіске жетті. Мақат ауданында № 9 бірмандаттық аумақтық сайлау округі бойынша "Доссормұнайгаз" мұнай газ өндіру басқармасының басшысы Бағдат Ниязғалиев сайланды аудандық Мәслихат депутаты болып сайланды. 

Ләззат ҚАРАЖАНОВА