Қамысқала ауылдық округінің әкімі сайланды

26 қазанда Исатай ауданында Қамысқала ауылдық округі әкімін сайлау өтті. 

Аумақтық сайлау комиссиясының мәліметінше, сайлаушылар тізіміне 2338 азамат енгізіліп, олардың 1317-сі дауыс беруге қатысқан. Үйден дауыс бергендер саны — 53, ал «Бәріне қарсымын» деген таңдау жасағандар — 15 адам.

Қамысқала ауылдық округі әкімінің лауазымына үш кандидат бақ сынады. Нәтижесінде Р.Н. Есқали – 338, Е.С. Есмағил – 247, ал Р.А. Тәжиденова – 712 дауыс жинады.

Дауыс беру қорытындысы бойынша Қамысқала ауылдық округінің әкімі болып «Amanat» партиясының кандидаты Рафигат Әнуарбекқызы Тәжиденова сайланды. Ол — 1968 жылы туған, Қамысқала ауылдық округі әкімі аппаратының басшысы қызметін атқарып келген.

Ләззат ҚАРАЖАНОВА