В Атырау -2 
Қазақстан Президенті Қасым-Жомарт Тоқаев қызметтік міндетін атқару кезінде ерлік, кәсібилік және жанқиярлық танытқан бір топ азаматты мемлекеттік наградамен марапаттады.
Марапатталғандар қатарында еліміздің әр өңірінен қауіпсіздікті қамтамасыз ету мен адам өмірін құтқаруға елеулі үлес қосқан азаматтар бар. Олардың ішінде Атырау облысының тұрғындары да бар.
«Құрмет» орденімен Атырау облыстық «Ақ Берен» кәсіби әскери-құтқару қызметінің филиал директоры Амангелді Құрмашұлы Қуаналиев марапатталды.
«Ерен еңбегі үшін» медалімен Атырау облысы Төтенше жағдайлар департаменті басшысының орынбасары Сырым Бисенбайұлы Жаймағамбетов марапатталды.
Бұл марапаттар — олардың адам өмірін сақтап қалу және қоғамдық қауіпсіздікті қамтамасыз ету жолындағы жеке үлесін мойындаудың белгісі.