В Атырау -1 
«Питер FM» радиостанциясының қызметкерлері 52 жастағы Қазақстан азаматы қауіпті әрекет жасап, студияға кіруге талпынған соң полиция шақырған. Алдымен ол өзін курьер ретінде таныстырған.
«Фонтанка» басылымының мәліметінше, азамат эфирге шығып, белгілі пацифистік ұран айтуға ниеттенген. Алайда оның агрессивті әрекеттерінен кейін қызметкерлер оны ұстап, полицияға тапсырды.
Бағдарлама директорының айтуынша, бастапқыда бұл оқиға аса мән беруді қажет етпейтіндей көрінген. Бірақ кейін тексеру барысында оның рюкзагынан байлағыштар (хомуты-стяжки) табылған. Өз сөзінде ол радио қызметкерлерін бейтараптандырып, микрофонға жетуді жоспарлағанын мойындаған.
«Питер FM» оның екінші нысаны болған — бірінші радиостанцияға күзет өткізбегендіктен, кіре алмаған. Полиция оқиғаға аса мән беріп, ғимаратты кинологтар тексерді, жарылғыш зат табылмады. Алдын ала мәлімет бойынша, Нұрлан есімді азамат жеке әрекет еткен және ешқандай ұйыммен байланысы болмаған.
Қазіргі таңда Қазақстан азаматы полиция бөлімінде «кішігірім бұзақылық» бабымен жауапқа тартылды. Алдағы уақытта оған қарсы қылмыстық іс қозғалуы да мүмкін.