В Атырау +2 
Ы. Алтынсарин атындағы Ұлттық білім академиясы еліміздегі барлық мектеп педагогтері үшін оқыту курстарын бастады. Бағдарламаның негізгі мақсаты – мұғалімдер мен оқушыларға білім беру үдерісінде жасанды интеллектіні (ЖИ) жауапкершілікпен пайдалану қағидаларын үйрету.
Оқыту барысында этика мен қауіпсіздікке ерекше назар аударылады: баланың игілігіне басымдық беру, академиялық адалдықты сақтау, дереккөздерді көрсету, заңдылықты сақтау, жеке деректерді қорғау, жас ерекшеліктерін ескеру және педагогикалық бақылау. Сонымен қатар, ЖИ-дің шектеулері мен алгоритмдік бейтарап еместігі мүмкін екенін түсіндіру маңызды.
Қатысушыларға негізгі ЖИ-құзыреттер ұсынылады:
Мұғалімдерге: сабақ мақсатына сәйкес құралдарды таңдау, алынған жауаптарды сыни бағалау, этикалық және қауіпсіздік нормаларын сақтау, әдістемелерді үздіксіз жетілдіру.
Оқушыларға: ЖИ табиғатын және шектеулерін түсіну, ұсынылған жауаптарды қабылдау, түзету немесе қабылдамау, ықтимал бейтарап еместікті анықтау, академиялық адалдықты сақтау және пәнаралық жобаларға қатысу.
Оқыту материалдары ресми құжаттарға негізделген:
«Орта білім беру жүйесінде жасанды интеллектіні қолданудың этикалық стандарттары»
«Оқу үдерісінде жасанды интеллектіні этикалық қолдану жөніндегі нұсқаулық»
Ы. Алтынсарин атындағы Ұлттық білім академиясы орта білім беру жүйесіне инновациялық тәсілдерді енгізуді жалғастырып, мұғалімдерге әдістемелік қолдау көрсетіп қана қоймай, оқушылардың заманауи технологияларды жауапкершілікпен қолдану мәдениетін қалыптастыруға ықпал етеді.