В Атырау +2 
Өзбекстанда 2026 жылдың 1 қаңтарынан бастап көлік иелері қалаған әріптер мен сандарды таңдап, мемлекеттік нөмір сатып алу мүмкіндігіне ие болады. Мысалы, нөмірге есімін немесе қала атауын жазуға болады. Ал біздің елде ондай бола ма екен деп сұрастырып көрген екен Tengrinews.kz.
Заңнама мен сот-құқықтық реформа комитетінің төрайымы Снежанна Имашева бұл мәселе бойынша Мәжілісте жұмыс тобының құрылуы жоспарланбағанын айтты. Сондай-ақ депутаттардан да, азаматтардан да ешқандай бастама түспеген. Оның айтуынша, депутаттар арасында бірыңғай ұстаным жоқ.
- Біреулері есім жазылған нөмірлер алу мүмкіндігін тек бюджетке қосымша қаржы түсіру тәсілі ретінде қолдайды, бірақ олардың құны өте қымбат болуы керек деп есептейді.
- басқалары түбегейлі қарсы, мұндай жаңашылдықты орынсыз санайды: ол тек әлеуметтік теңсіздікті айқындап, жастар арасында шамадан тыс мақтаншақтық мәдениетін қалыптастырады.
Ішкі істер министрлігі де автокөліктерге арналған есім жазылған мемлекеттік тіркеу нөмірлерін енгізу қазіргі уақытта қарастырылмайтынын растады.
- Сұранысы жоғары нөмірлік белгілерге қызығушылық «есімдерсіз-ақ» өсіп келеді:
- 2023 жылы арнайы ХҚКО-лар осындай 30 мыңға жуық нөмір берді — иелері 10 миллиард теңгеден астам қаржы төледі;
- 2022 жылы VIP-нөмірлерге жұмсалған шығындар 7 миллиард теңгеден асты.
Нөмірді алуға қызығушылықтың себебі — жолда ерекшелену, мәртебесін көрсету немесе оңай есте қалатын комбинацияны таңдау.