В Атырау +2 
2025 жылы бензин мен дизель отынының сапасы мәселесі қайтадан бірінші орынға шықты. Сауда және интеграция министрлігінің Техникалық реттеу және метрология комитетінеің мәліметінше, іріктелген үлгілердің 25%-ы талаптарға сәйкес келмейді — таңбалау бойынша да, көрсеткіштер бойынша да (октан саны, күкірттің салмақтық үлесі және т.б.). Жалпы, ағымдағы жылы зертханалық сынақ үшін 27 үлгі іріктелді, деп хабарлайды Тенгриньюс.
Автокөлік жүргізушілері не дейді?
Жүргізушілер көбіне қаладағы жанармай құю станцияларына сенім артып, чектерін сақтап жүретінін айтады. Кейде қала сыртына шығып кеткенде көліктің қуаты бәсеңдеп қалады екен. Басқалары отынның сипатын түсіну қиын екенін айтады. Ал бензиннің сапасы күмән тудырғанда қайда шағымдану керегін барлығы бірдей біле бермейді.
Тексеру ережелері
ЕАЭО аумағында автомобиль және авиациялық бензиндерге, дизель және кеме отынына, реактивті қозғалтқыштарға арналған отынға және мазутқа қойылатын талаптар бойынша ТР ТС 013/2011 техникалық регламенті қолданылады. Айналымға шығарылмас бұрын отын сәйкестігі туралы міндетті декларациялауға жатады.
Мемлекеттік бақылау үш форматта жүзеге асырылады:
- автоматтандырылған тәуекелдерді бағалау және басқару жүйесі бойынша қалыптастырылған кестеге сәйкес жоспарлы тексерулер (болмаған жағдайда кестені реттеуші орган бекітеді, ҚР Кәсіпкерлік кодексінің 144-бабы, 2-тармақ);
- жеке және заңды тұлғалардың заңбұзушылықтарға дәлел келтірілген өтініштері негізінде жоспардан тыс тексерулер;
- профилактикалық бақылау – сынама алу үшін барып немесе бармай жүргізіледі, соның ішінде бақылау сатып алулары да бар.
Қайда хабарласу керек?
Бұзушылық расталған жағдайда, жеке және заңды тұлғалар жоспардан тыс тексеруді бастау үшін Комитеттің аумақтық департаменттеріне өтініш жібере алады. Аккредиттелген зертханалардың тізімі ЕАЭО-ның бірыңғай тізілімінде қолжетімді.
Бұған дейін жекелеген жанармай құю станцияларында бензин мен дизель отынының қоспасын құйып берген жағдайлар тіркелген. 2025 жылдың 30 қаңтарынан бастап Қазақстанда мотор майына бағаны мемлекеттік реттеу жойылды — бұл бағаның өсуімен қатар жүрді. Ресейдің көршілес нарығында дәл осы мерзімде отын тапшылығы болып, ол бензиннің құнына әсер етті.
Жүргізушілерге кеңес
Тексерілген станцияларда жанармай құю, мүмкіндігінше чектерін және колонканың фото/видеосын сақтап жүру.
Жанармайдың сапасы күдік тудырған жағдайда — Комитеттің аумақтық департаментіне дәлелдемелерді қосып (чек, диагностикалық акт, датчиктердің көрсеткіштері, видео) арыздану.
Реттеушінің ұсыныстарын және тексерулер бойынша ақпаратын қадағалап отыру.