В Атырау +2 
Қазақстандық диджей және продюсер Иманбек Зейкенов (Imanbek) Latin GRAMMY Awards 26-шы салтанатты шарасының үміткерлер тізіміне енді, деп хабарлайды Латын Америкасы дыбыс жазу академиясының сайты.
Павлодарлық музыкант бұл жолы «Latin Grammy» сыйлығының «Үздік латын электрондық музыкасының орындалуы» номинациясына ұсынылды. Әнші Taichu-мен бірігіп орындаған Ella Quiere Techno трегі осы санатқа енгізілген.
Марапаттау рәсімі 2025 жылғы 13 қарашада Лас-Вегаста өтеді.
Еске салсақ, Иманбек 2019 жылы Saint Jhn-нің Roses әніне жасаған ремиксі арқылы әлемге танылып, 2021 жылы «Грэмми» жүлдесін жеңіп алған еді.
"Классикалық" GRAMMY-ден айырмашылығы, Latin GRAMMY тек латын америкалық музыкаға арналған және сыйлықты Латын Америкасы дыбыс жазу академиясы береді.