В Атырау +2 
Алматыда жалған шот-фактуралар арқылы салық төлемінен жалтару схемасына қатысты қылмыстық істі тергеп-тексеру аяқталды.
Тергеу нәтижесінде заңсыз әрекеттер мемлекетке 686 миллион теңге көлемінде шығын келтіргені анықталды. Бір топ адам тауарлар мен қызметтерді іс жүзінде жеткізбестен, жалған шот-фактуралар жазу схемасын ұйымдастырған.
Құқыққа қарсы әрекеттердің ізін жасыру және салық бақылауын айналып өту үшін формалды түрде жалған біріктіру жасалған. Алайда қала прокуратурасының әрекетімен заңсыз біріктіру тоқтатылды.
Жалған шот-фактуралар фактісі сотқа дейінгі тергеудің бірыңғай тізіліміне енгізілді.
Сот қылмыстық топтың алты мүшесін Қазақстан Республикасы Қылмыстық кодексінің 216-бап (шот-фактураларды жалған жазу) және 262-бап (ұйымдасқан қылмыстық топты құру және басқару) бойынша кінәлі деп таныды.
Сотталғандарға 6 жылдан 8 жылға дейін бас бостандығынан айыру түріндегі жаза тағайындалды.