В Атырау +2 
2025 жылғы 16 қыркүйектен бастап жүргізушілердің масаңдығын тексерудің ережелері жаңартылды, деп хабарлайды Polisia.kz.
Жаңартылған ережелер тек көлікті басқарушыларға ғана қатысты, олар Әкімшілік құқық бұзушылық кодексінің 796-бабы бойынша әкімшілік өндіріс шеңберінде қолданылады. Яғни, масаң күйде көлік басқарған адамдарды тексеру және басқару құқығынан уақытша айыру шаралары енгізілген. Жаяу жүргіншілер мен жол қозғалысының басқа қатысушыларына өзгеріс жоқ.
Процедура бұрынғыдай қалады – түпкілікті өзгерістер жоқ. Бір ғана жаңалық – бекітілген нысанның формасы өзгерді: бұрын Үкімет қаулысы арқылы бекітілсе, енді ІІМ бұйрығы арқылы бекітіледі. Бұл децентрализация мен бюрократияны азайту мақсатында жасалған.
Сонымен қатар, жүргізуші алкотестер немесе медициналық ұйым арқылы масаңдықты тексеруден бас тартуға немесе тексеруді жалғастыруға құқылы. Алайда тексеруден бас тарту ҚР ӘҚБтК-нің 613-бабы 4-бөлігі бойынша әкімшілік іс қозғауға негіз болады.