В Атырау +2 
2025 жылғы 16 қыркүйектен бастап Қазақстан Республикасының Қылмыстық кодексіне 232-1-бап күшіне енді, ол дропперлік үшін жауапкершілікті қарастырады.
Дропперлік – банк шотына, төлем немесе сәйкестендіру құралдарына заңсыз қол жеткізу, оны беру немесе алу, сондай-ақ заңсыз төлемдер мен ақша аударымдарын жүзеге асыру, соның ішінде үшінші тұлғаларға материалдық сыйақыға банк картасын беру әрекеттерін қамтиды. Бұл – интернет-алаяқтықтың негізгі әдістерінің бірі.
Жаза мөлшері: әрекеттің ауырлығына, сипатына және алынған пайда мөлшеріне байланысты айыппұлдан бастап 7 жылға дейін бас бостандығынан айыру, сонымен қатар мүлікті тәркілеу қарастырылған.
Бұл норма кибералаяқтыққа қарсы күресті күшейтіп, азаматтардың қаржылық қауіпсіздігін қорғауға және цифрлық ортада әрекет ететін қылмыстық топтардың қызметін тоқтатуға бағытталған.