В Атырау +2 
Қазақстанда азаматтардың құқықтарын қорғауды күшейту мақсатында «Қазақстан Республикасының кейбір заңнамалық актілеріне қылмыстық заңнаманы оңтайландыру туралы» заң қабылданды.
Заңдағы басты жаңалық – сталкингке қылмыстық жауапкершілік енгізілуі. Сталкинг – зорлық-зомбылық қолданылмаса да адамның психологиялық жағдайына зиян келтіретін, еркінен тыс тұрақты қудалау әрекеттері.
Сталкингке жатады: адамның жеке шекарасын бұзу, еркінен тыс қудалау, қайта-қайта телефон соғу, интернет арқылы бақылау және қорқыныш немесе алаңдаушылық туғызу.
Мұндай әрекеттер үшін қарастырылған жазалар:
- 200 АЕК-ке дейінгі айыппұл;
- 200 сағатқа дейін қоғамдық немесе түзеу жұмыстары;
- 50 тәулікке дейін қамау.
Заң әрбір адамның жеке кеңістігін құрметтеуді қамтамасыз етіп, психологиялық зорлық-зомбылық пен қудалаудың алдын алуға бағытталған.
16 қыркүйек, 10:53