В Атырау +2 
Бұл туралы қоғамдық белсенді Динара Смаилова өзі хабарлады (Дина Таңсәрі – оның лақап аты).
4 қыркүйекте Черногорияның Жоғарғы соты ҚР Бас прокуратурасының Смаилованы экстрадициялау талабынан бас тартуға шешім қабылдады. 12 қыркүйекте апелляциялық инстанция қарағаннан кейін бұл шешім күшіне енді.
Шілде айында Смаилова және оның жұбайы Черногориядан саяси баспана алды. Қазақстанда оған қатысты алты қылмыстық іс қаралуда: жалған ақпарат тарату, жеке өмірге қол сұғу және алаяқтық.
Тергеу мәліметтері бойынша, ол зардап шегушілерге көмек көрсету үшін ақша жинағанымен зорлық-зомбылық пен өзін-өзі өлтіру оқиғалары расталмаған. Ақшалар оның жұбайының жеке карточкасына аударылып, мақсатқа сай жұмсалмаған. Смаилованы Қазақстанда аса ірі көлемде алаяқтық жасады деген сырттай айып тағылған еді.