Атырау облысында жылу жүйелерін жөндеу жұмыстары 84%-ға аяқталды

Атырау облысында жылу маусымына дейін 16,4 км жылу жүйесін жөндеу жоспарланған болатын. Бүгінгі күнге дейін жұмыстардың 84%-ы аяқталған, деп хабарлады Энергетика министрі Ерлан Ақкеженов үкімет отырысында.

Қазақстан бойынша жалпы 323 км жылу желісін жөндеу жоспарланған, оның 215 км-і (66%) аяқталған. Жөндеуге жалпы 129,4 млрд теңге бөлінген: республикалық бюджеттен – 40,4 млрд теңге, үкімет резервінен – 18,9 млрд теңге, жергілікті бюджеттерден – 44,9 млрд теңге, тарифтен – 25,2 млрд теңге.