В Атырау +4 
АҚШ-тың Аризона штатындағы Финикс қаласында құмды дауыл соқты. 41 мыңнан астам тұрғын жарықсыз қалып, жергілікті халықаралық «Скай-Харбор» әуежайы зақымданды, деп хабарлайды Коммерсантъ.
25 тамызда жергілікті уақыт бойынша Финикс орталығында дауыл соқты. АҚШ Азаматтық авиация федералдық басқармасының мәліметінше, ауа райының қолайсыздығына байланысты әуежай жарты сағатқа ұшақтарды жіберуді тоқтатты. Үш рейс ұшпады, 104 рейс кешікті, бір рейс басқа әуежайға бағытталды.
Әуежай өкілі ғимаратта су ағу және басқа да зақымдар тіркелгенін, жалпы шығын әлі есептеліп жатқанын айтты. Зардап шеккендер туралы ақпарат жоқ.
26 тамыз, 14:14