В Атырау +4 
Қыркүйекте Дүниежүзілік денсаулық сақтау ұйымының (ДДҰ) Еуропа бойынша аймақтық директоры сарапшылар тобымен бірге Атырауға келеді. Олар кеңес беріп, тұрғындар мен белсенділер көп жыл бойы айтып келе жатқан аймақтағы экологиялық жағдайға баға береді, деп хабарлайды bes.media.
Не белгілі
Әкімдіктің мәліметінше, бұл келісілген сапар: мамандар алдағы қадамдар, қаржыландыру және зерттеу мәселелерін талқылайды. Облыс деңгейінде 2028 жылға дейінгі жоспар бекітілді — ол өнеркәсіптік және автокөлік шығарындыларын азайтуды, жерлерді қалпына келтіруді және қалдықтарды басқару жүйесін жақсартуды қамтиды.
2023 жылы Атырау облысының тұрғындары аймақты экологиялық апат аймағы деп тануды талап етті, бірақ петиция модерациядан өтпеді. Комиссия мен өткен кездесулерге қарамастан, адамдар ласн ауа мен судың сапасына шағымданып жатыр.
ДДҰ-ның халықаралық сарапшылары әлі 2024 жылдың желтоқсанында ауа, топырақ және суды зерттеуге көмектесуге дайын екенін мәлімдеген болатын. Ал 2025 жылдың жазында халықтың денсаулығын кезең-кезеңімен бақылау жоспарлары талқыланды. Бірақ әлі күнге дейін аймақ ресми түрде «экологиялық апат аймағы» мәртебесін алған жоқ.