​Атырауда 100 мектепте SOS батырмасы мен «Сергек» қосылды

Атырауда мектептің көбі күшейтілген қауіпсіздік режиміне көшіп жатыр. Енді 100 оқу орнында полицияның жедел басқаруымен тікелей байланыстыратын SOS дабыл түймесі орнатылған.

Егер оқушылар төтенше жағдайға тап болса, түймені басып, бірден полиция департаментінің жедел басқару орталығына шыға алады. Бірден оқиға орнына  ювеналдық полиция қызметкері, учаскелік полиция инспекторы, жақын маңдағы жол-патрульдік полиция қызметкері жіберіліп, түйменің не себепті басылғанын анықтайды. 

Сондай-ақ қала аумағындағы 2750-ге жуық «Сергек» бейнебақылау камерасының 100-і мектептерге орнатылған. Тәртіп сақшылары алдағы уақытта SOS дабыл нүктелерінің санын көбейтуді жоспарлап отыр.