В Атырау +10.2 
Исатай ауданы Аққыстау ауылы жылдан-жылға халқы саны жағынан өсіп келеді. Аудан орталығында үйлер де көбейді, сондай-ақ 4 орта мектеп, 2 спорттық кешен, орталық саз мектебі, мәдениет үйінде бірнеше үйірмелер, бірнеше балабақшалар бар. Аудан үлкейген сайын көлік қатынасы мұқтаждығы туындап тұрған еді.
20 тамыздан бастап "БатысТехИнвест" ЖШС-і жолаушыларға қолайлы қатынас туғызу үшін қоғамдық көлікті ұйымдастырды. Таңертеңгі 07.00-ден шығатын автобустар кешкі 20.00-ге дейін үш бағытта тестілік режимде жүреді.
Билеттің құны- 60 теңге. ҰОС ардагерлері және оған теңестірілгендер, өзге мемлекеттердің аумағындағы ұрыс қимылдарына қатысқан ардагерлер, 1- 2-ші , алтын және күміс алқа иегерлері, оқу жасындағы мектеп балалары тегін жүре алады. Ал 50 пайыз жеңілдікке: зейнеткерлер, 4 және одан да көп баласы бар аналар, 3-ші топтағы мүгедектер, 7-14 жас аралығындағы балалар бар.
Ләззат ҚАРАЖАНОВА